ਗਰਮੀਆਂ ਦੇ ਮੌਸਮ ਵਿੱਚ ਵਾਲਾਂ ਨੂੰ ਸਿਹਤਮੰਦ ਰੱਖਣਾ ਬਹੁਤ ਮੁਸ਼ਕਲ ਕੰਮ ਹੈ।ਆਮ ਤੌਰ 'ਤੇ ਲੋਕ ਵਾਲਾਂ 'ਤੇ ਤੇਲ ਲਗਾਉਣ ਲਈ ਬਾਜ਼ਾਰ ਦੇ ਤੇਲ ਦੀ ਵਰਤੋਂ ਕਰਦੇ ਹਨ।ਪਰ ਜੇਕਰ ਤੁਸੀਂ ਚਾਹੋ ਤਾਂ ਘਰ 'ਚ ਵਾਲਾਂ ਲਈ ਐਲੋਵੇਰਾ ਦਾ ਤੇਲ ਵੀ ਅਜ਼ਮਾ ਸਕਦੇ ਹੋ।ਐਲੋਵੇਰਾ ਦਾ ਤੇਲ ਗਰਮੀਆਂ ਵਿੱਚ ਵਾਲਾਂ ਨੂੰ ਸਿਹਤਮੰਦ ਬਣਾਉਣ ਲਈ ਸਭ ਤੋਂ ਵਧੀਆ ਵਿਕਲਪ ਸਾਬਤ ਹੋ ਸਕਦਾ ਹੈ।
ਐਲੋਵੇਰਾ ਦਾ ਤੇਲ

ਤਾਂ ਆਓ ਜਾਣਦੇ ਹਾਂ ਘਰ ‘ਚ ਕੈਮੀਕਲ ਮੁਕਤ ਐਲੋਵੇਰਾ ਤੇਲ ਬਣਾਉਣ ਦਾ ਤਰੀਕਾ

  • ਘਰ ਵਿਚ ਐਲੋਵੇਰਾ ਤੇਲ ਬਣਾਉਣ ਲਈ ਐਲੋਵੇਰਾ ਦੇ ਤਾਜ਼ੇ ਪੱਤੇ ਲਓ।ਇਸ ਨੂੰ ਕਿਨਾਰੇ ਤੋਂ ਕੱਟੋ ਅਤੇ ਉੱਪਰਲੀ ਪਰਤ ਨੂੰ ਹਟਾ ਦਿਓ।
  • ਹੁਣ ਐਲੋਵੇਰਾ ਦੇ ਪਲਪ ਨੂੰ ਕੁਝ ਦੇਰ ਲਈ ਪਾਣੀ ‘ਚ ਭਿਓ ਦਿਓ ਅਤੇ ਫਿਰ ਇਸ ਨੂੰ ਬਲੈਂਡ ਕਰਕੇ ਜੈੱਲ ਬਣਾ ਲਓ।
  • ਇਸ ਤੋਂ ਬਾਅਦ ਇੱਕ ਪੈਨ ਵਿੱਚ ਨਾਰੀਅਲ ਤੇਲ, ਬਦਾਮ ਦਾ ਤੇਲ ਜਾਂ ਜੈਤੂਨ ਦਾ ਤੇਲ ਗਰਮ ਕਰੋ। ਇਸ ‘ਚ ਐਲੋਵੇਰਾ ਜੈੱਲ ਮਿਲਾਓ ਅਤੇ ਘੱਟ ਅੱਗ ‘ਤੇ 5 ਮਿੰਟ ਤੱਕ ਪਕਾਓ।
  • ਤੇਲ ਦੇ ਠੰਡਾ ਹੋਣ ਤੋਂ ਬਾਅਦ, ਤੁਸੀਂ ਖੁਸ਼ਬੂ ਲਈ ਇਸ ਵਿੱਚ ਰੋਜ਼ਮੇਰੀ ਅਸੈਂਸ਼ੀਅਲ ਆਇਲ ਵੀ ਮਿਲਾ ਸਕਦੇ ਹੋ। ਇਸ ਤੇਲ ਨੂੰ ਇੱਕ ਸ਼ੀਸ਼ੀ ਵਿੱਚ ਭਰ ਕੇ ਰੱਖੋ।

ਐਲੋਵੇਰਾ ਤੇਲ ਦੀ ਵਰਤੋਂ

ਵਾਲਾਂ ਨੂੰ ਸਿਹਤਮੰਦ ਰੱਖਣ ਲਈ ਐਲੋਵੇਰਾ ਦੇ ਤੇਲ ਦੀ ਨਿਯਮਤ ਰੂਪ ਨਾਲ ਵਾਲਾਂ ‘ਤੇ ਮਾਲਿਸ਼ ਕਰਨਾ ਨਾ ਭੁੱਲੋ।

  • ਸਭ ਤੋਂ ਪਹਿਲਾਂ ਐਲੋਵੇਰਾ ਤੇਲ ਨੂੰ ਗਰਮ ਕਰੋ।
  • ਵਾਲਾਂ ਅਤੇ ਸਿਰ ਦੀ ਚਮੜੀ ‘ਤੇ ਕੁਝ ਦੇਰ ਮਾਲਿਸ਼ ਕਰਨ ਤੋਂ ਬਾਅਦ ਇਸ ਨੂੰ 1 ਘੰਟੇ ਲਈ ਛੱਡ ਦਿਓ।
  • ਫਿਰ ਵਾਲਾਂ ਨੂੰ ਸ਼ੈਂਪੂ ਨਾਲ ਧੋ ਲਓ।

ਐਲੋਵੇਰਾ ਤੇਲ ਦੇ ਫਾਇਦੇ

ਐਲੋਵੇਰਾ ਦਾ ਤੇਲ ਗਰਮੀਆਂ ਵਿੱਚ ਵਾਲਾਂ ਨੂੰ ਕਈ ਸਮੱਸਿਆਵਾਂ ਤੋਂ ਦੂਰ ਰੱਖਣ ਵਿੱਚ ਮਦਦਗਾਰ ਹੁੰਦਾ ਹੈ।
ਇਸ ਨੂੰ ਨਿਯਮਤ ਤੌਰ ‘ਤੇ ਲਗਾਉਣ ਨਾਲ, ਤੁਸੀਂ ਸਿਰ ਦੀ ਲਾਗ, ਜਲਣ, ਡੈਂਡਰਫ ਅਤੇ ਵਾਲਾਂ ਦੇ ਝੜਨ ਤੋਂ ਛੁਟਕਾਰਾ ਪਾ ਕੇ ਵਾਲਾਂ ਨੂੰ ਲੰਬੇ, ਸੰਘਣੇ ਅਤੇ ਮਜ਼ਬੂਤ ਬਣਾ ਸਕਦੇ ਹੋ।

Leave a Reply

Your email address will not be published.